أولاّ: لازم تكون حاجة مضحكة وده شئ واضح في أوشاعة ولا إيه؟
ثانياَ: الكلام اللي هتقوله يكون فيه فكرة
ثالثاَ: متهاجمش شخص معين أو شخصية عامة إنتة مبتحبهاش تقوم ملطش وخلاص
رابعاَ: لو فيه موقف حصل ومعجبكش ممكن تقلبه في قالب فوكاهي بس من غير ماتزعل حد منك
خامساَ: لو بعت حاجة وكانت محتاجة تظبيت هنظبتها ونحطها من غير ما نرجعلك
سادساَ: مش كل حاجة هتبعتها هنحطها هية مش فتونة الحالة الوحيدة اللي ممكن نحط كل اللي بتبعته لو جبت واسطة أو دفعتلنا رشوة ودي نبقى نتفاهم فيها بعدين بلاش تشريد قدام العالم
سابعاَ: لا تتكلم في الدين ولا في السياسة هتقولي منتو بتتكلموا في السياسة هقولك إحنا بنجيب الكلام ده من واحد سايس تبعنا وهوة الوحيد اللي نعرفه بيفهم في السياسة
ثامناَ وتاسعاَ: بلاش كلام أبيح عشان عيب الحاجات ديه
عاشرا لحد عشرومية: كل ما سبق ماينطبقش علينا احنا بنكتب اللي على مزاجنا، وأيوة احنا بنناقض نفسينا