نصائح للمخطوبات

باب حواء
170
0

عزيزتي المخطوبة

موسم الأعياد ده من أهم المواسم بالنسبالك لأنه بيديكي فرصة حلوة إنك تشطبي علي جيب الأهبل خطيبك وتنفضيه ولذلك عليك إتباع الآتي:
1- حاولي تضحكي عليه وتقوليله ياللا نخرج، وإنتي ماشية كل ما تشوفي فاترينة تقفي وتتنحي وتعملي نفسك محرومة، في الحاله ديه هتصعبي عليه ويحس انه مقصر في حقك وهيخش يجيبلك اللي نفسك فيه، واحتمال يعمل نفسه عبيط.لو عمل عبيط فكريه على طول إن العيد قرب والأحسن يدفع بمزاجه.
2- في العيد إوعي تخليه يمسك حتي إيدك كملي دور خضرة الشريفة للآخر علشان يصدق بجد إنك متعرفيش حد قبله وإنك ساذجة.
3- لما ييجي في العيد خليكي رقيقة وحسسيه إن بقك خاتم سليمان ومعدتك معدة عصفورة يتيمة مش تطفحي قدامه زي المسروعة.
4- إوعي تنسي تغسلي وشك بالحجر وتضربي فيه شويه أحمر على أخضر خليه على عماه لغايه ما المأذون يمشي ويتدبس الزبون.
وفي النهاية نتمنالك كل التوفيق إنتي وعريس الهنا.

Facebook Comments

POST A COMMENT.