شرطي صعيدي في الخدمة لقى قرد في الشارع وداه للضابط المسؤول عنه وقاله : يا باشا أنا لقيت قرد أوديه على فين ؟ قال الضابط : على حديقة الحيوانات..غاب الشرطي الصعيدي ساعتين ورجع هو والقرد ، الضابط بيسأله ايه الي رجعك ؟ قاله يا باشا وديته على حديقة  الحيوانات ، تحب أخده دلوقتي أفسحه في الملاهي؟

مرة واحد أطرش وقف سواق تاكسي أطرش برده وقاله مصر الجديدة ؟ رد السواق وقال لا والله أنا رايح مصر الجديدة رد الراجل وقال معلش أنا كنت فاكراك رايح مصر الجديدة

واحد إخترع حبوب للحوامل علشان المولود يطلع مؤدب وكل مولود فعلا نزل مؤدب ، واحدة أخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له إتفضل إنت الأول.

مره دكتور مجانين دخل على العيانين بتوعوا العنبر لقاهم معلقين واحد مكان النجفه بيلفوا حوليه وبيغنوا النور جه النور جه ولقى مجنون قاعد ساكت لوحده فقله الدكتور انت مش فرحان زييهم بالنور ليه قاله يادكتور طيب دوول مجانين حد يعمل كده برده قاله كويس يعني انت عاقل قاله طبعا قاله طيب ليه مش خليتهم ينزلوه رد عليه المجنون كده برده يا دكتور يعني ننزله ونقعد في الضالمه.

ثلاثة مجانين طالعين فوق الشجرة، جالهم الطبيب النفساني وقالهم انزلوا من فوق الشجرة، نزلوا اثنين وبقي واحد قاله إنته ياللي فوق مانزلتش ليه؟ صحابه المجانين قالولو :سيبوا ، ده لسة ماستواش

أبو العربي راح ع القهوة قال لهم مش تباركوا لي مش انا خطبت البت سعاد واحد رد عليه وقاله يا راجل سيبك منها دي ماشية مع نص شباب بورسعيد أبو العربي قاله يا راجل وهيا بورسعيد كلها أد إيه يعني.

واحد بلدياتنا دخل الجيش ووقف حراسة على بوابة معسكر عدى عليه الشاويش وقاله:اللواء "فريد" جه؟ قاله : ماجاش يا شاويش "محمد" وبعد ساعة رجع له الشاويش محمد وسأله اللواء "فريد" جه؟ قاله لسه ما جاش. وبعد ساعة أخرى رجع له تانى وسأله اللواء "فريد" جه؟ قال له لسه ما جاش. وبعد ساعة جه اللواء "فريد" قاله العسكرى : أنت فين الشاويش "محمد" حيخرب بيتك..... مشاركة من سيما

في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف التلميذ: مش هيرجع حاجه يا استاذ الاستاذ: ياابني استلف الف وبعديها الف تانيه التلميذ : مش هيرجع حاجه يا استاذ الاستاذ: اعد يا ابني انت متعرفش حاجه في الحساب التلميذ: انت اللي متعرفش ابويا..... مشاركة من سيما