المطرقع: لما سمعنا إن الأجرة زادت علشان زي ما انتوا عارفين أنا مش بركب ميكروباز أصلي بتشعلق في الحنطور وبقضي فيه مشاوريري نزلت موقف رمسيس وقابلت صوحابنا الي بيقروا أوشاعة..وده كان أول حوار:

شلمنتي من كفر المدوحس (eldawar@zereba.gahsh ):
بص يا سعادة الباشا دى قالولنا فيه أوشاعة ظهرت بإن الجاز غلي قاموا سواقين المكروباظ غلوا الأجرة بتاع خماشر ولا خمسة وعشرين قرش .. قوم إيه الناس تنحت لا هي منها زعلت ولا فرحت دفعوا وهما ساكتين ولما واحد يفتح بقوا يحطولوا الورقة اياها بتاعت الوزارة فى وشه ... ولما الجاز نزل بتوع الميكروباظات ماعجبهمش خلوا الأجرة زي ما هي ... والناس برضه فضلت ساكته ومتنحة .. وراضيين وبيدفعوا .. فأنا بشتكى بتوع الميكروباظات يحنوا علينا شوية ويرجعوا الأجرة زى ما كانت أحسن محسوبك عنده مشاوير خمس أيام فى الأسبوع وهو لسه حياللا حتة طالب ... وربنا يسهلها للكل ...
سبيدر (black_spider0@hotmail.com):
كنا في ميكروباص الجمعية من العتبة لمسطرد قولت له الأجرة كام؟ قال: 65 قرش، دفعت 75 قرش، طبعاً زي ما إحنا عارفين مبناخدش باقي تخيل عملت إيه ..... لقيت الناس اللي في الميكروباص حاصل معاهم زيي بالظبط ، فعديت الناس لقيتهم 22 نفر ، روحت قولتله أنا عايز 2.20 جنيه، فقال التباع بتاع الميكروباص ليه؟ ..قولتله الباقي بتاع الناس اللي عندك كله اتفقوا إني أنا آخده! قال : يا سلام فقولتله : إسئلهم ..قالهم: موافقين؟؟.. تخيل قالوا الناس ايه قالوا: لأ مش موافقين!.. عرفت معنى كلامي ايه؟ إن الناس يبقوا عارفين الحق ومش عايزين يتكلموا واخدين الدنيا بلطجة مكتومة فاكرين هاخد الفلوس ليا! لو بيفكروا ، كانوا لازم يزلوا بتوع الميكروباص.
عمده كفر المدوحس بحاله (omda@modohas.kafr ):
بقى الواد قليل الرباية اللى قال إنه من كفر المدوحس وبيشتكى من غلاء الأسعار بتاعت الميكروباصات (( مش ميكروبازات يا جاهل )) وإن سعر الجاز نزل والأجرة زي ماهي ... أقوله وإيه يعنى أما الأجرة تزيدلها خمسة وعشرين قرش خلاص يا اخويا الربع جنية زنق معاك قوي .. إعتبره وقع منك ولا إشتريت بيه شوكولاته ولا حاجه .. وبعدين يعني هي جت على الميكروباص ما تشوف الأتوبيص المكيف أبو جنيه ونص الموحد ده ,, اهو معمول للناس اللى معاها فلوس والناس بتركبه وبتدفع الجنيه ونص وزي الفل ... والواضح بقى إن إنت الواد مستكوفى اللى انطرد من البلد علشان سرق الجاموسة اللى حدانا فى الدار وبتعمل (( أوشاعات )) علشان تشيلنى من العمودية .. إنما وحياة شنبى لو شفتك لاركبك عالحمار بالمقلوب وأخلي العيال يحدفوك بالطوب ..

خلاص خلصت ..