الخروف
+ أنت مش مظبوط اليومن دول عندك قلق والجزمه يمكن تتسرق خلي بالك، وبطل تحلق
لأصحابك
- بتفكري في حاجه ايه هية مش عارف بس عايز أقولك سيبك من اللي بتفكري فيه مفيش
فايدة
الطور
+ اهتم شويه بالرياضه وزنك زاد وكده مش هينفع وركز شوية في حياتك العملية مش كل
يوم تأجل شغلك لليوم الي بعده
- ركزي شويه الأكل هيشيط منك قريب وبطلي لت وعجن مع جارتك
الجوزتين
+ الشغل مش كل حاجه فرفش شوية إعمل حاجه مفيده إتعلم باليه مثلا أو نظف بيتكم
أحسن الجيران اشتكو
- حضرتك بتحبي واللي بتحبيه مش واخد باله سيبك منه إحتمال يطلع ندل في الآخر
الكابوريا
+ بطل جري ورا البنات مش هينفعك بحاجه ده وحوشلك قرشين هينفعوك في وقت زنقه
- إحتمال يجيلك عريس لو رفضتيه يمكن محدش يعبرك بس سيبك إنتي مفيش أحسن من
الشغل وتحقيق الذات
سبع البرومبة
+ بقالك كام يوم مزنوق في فلوس والحاله جيم بس متقلقش طول ماللي تحت البلاطه
محدش عارف عنه حاجه تبقى في السليم
- عاجبك فستان ونفسك تشتريه اشتريه بس يمكن يتقطع اصلك استرخصتي، برضه الغالي
تمنه فيه
خضرا الشريفة
+واحد صاحبك هيسحيلك ويقول عاللي عملته من كام يوم لم الدور وحاول تظبط صاحبك
بأي هديه
- مسافره قريب متنسيش تاخدي هدوم تقيلة هشان الدنيا هتبرد هناك ومتنسيش تخبي
الظرف الي جالك أول إمبارح
أبو كفتين + عندك حاجه مهمه جدا لازم تعملها بس الكسل بيمنعك كسل يا خويا وابقى
قابلني لو فلحت
- بقيتي تصحي بدري وده عملك لخبطه في حياتك اصبري لما تيجي الاجازهمفيش حاجه
مستاهله
الحنش
+ قريب هيجيلك خبر كويس بس يمكن يتأخر بس لا تيأس وبطل تعاكس البنات الي في
المدرسه الي جنب بيتكو
- قدامك سكه من اتنين لازم تحددي انهي سكه فيهم هتمشي فيها واذا اخرتي سكه
ومشيتي فيها ومعجبتكيش ارجعي وخدي السكه الثانيه
النبلة
+ عمال بتلف ةتدور حوالين موضوع مطنشك وحالقلك شفلك موضوع تاني غيره المواضيع
اليومين دول على قفا مين يشيل
- كفايه تفكير بقه دماغك هتشيط من كتر التفكير زي مافيه حاجات مهمة أكيد فيه
حاجات أهم
التيس
+ أصحابك بيتمصلحو عليك وانت زهقت منهم سيبك منهم بس خليك فاكر انهم وقفو جنبك
يوم التخشيبه اياه
- حياه روتينيه لا جديد فيها روحي إقري كتاب ينفعك أهو يمكن تستفيدي بيه في
اليومين الي جايين دول
الجردل
+ زياره مهمه لازم تعملها وبطل الجحود الي انته فيه ده مع اهلك كل مره تدب
الخناقه وهمه يتأسفولك اتأسف انته مره من نفسك
- غسيل المواعين عاملك مشكله جربي غساله الاطباق الي عند جارتك بيقولو غساله
هايله وبتوفر الكهرباء ومش عيب انك تغسلي مواعينك عند جارتك مانتي ياما شلتيها
في زنقتها
البساريا
+ بقيت تتأخر في مواعيدك كتير كده مش حلو ظبط مواعيدك واشتري ساعه ماركتها
نضيفة وبطل تتحجج بإن معاكش ساعه أمال ساعة الموبايل بتعمل إيه
- مش كفايه بعزقه في فلوسك عالفاضي والمليان يعني عشان ماتعبتيش في مجايب
الفلوس ديه تبعتريها كده وخدي بالك عيون الحاسدين ما بيسيبوش حد في حاله
الخروف
الطور
الجوزتين
الكابوريا
سبع البرومبة
خضرا الشريفة
أبو كفتين 
الحنش
النبلة 
التيس 
الجردل
البساريا 
site by 
